Upatikanaji viungo

Breaking News
Ijumaa, Desemba 02, 2022 Local time: 13:05

Watu 41 wafariki kutokana na mlipuko kwenye mgodi wa makaa Uturuki


Hafla ya mazishi ya mwathirika wa mlipuko wa mgodi Ridvan Acet, katika kijiji cha Kazpinari Oktoba 15, 2022. (REUTERS)

Takriban watu 41 wamethibitishwa kufariki baada ya mlipuko kutokea kwenye mgodi wa makaa katika mji wa Amasra kaskazini mwa Uturuki, katika  jimbo la pwani la Bartin kwenye Black Sea, maafisa wamesema Jumamosi jioni.

Waziri wa Mambo ya Ndani wa Uturuki, Suleyman Soylu alilitembea eneo hilo na kutoa habari za ziada kuhusu tukio hilo.

“Tuliondoa mabaki ya watu 40 kwenye migodi yetu, majeruhi wetu tuliwapeleka hospitali. Watu 11 waliojeruhiwa walipatiwa matibabu katika hospitali kadhaa. Kati ya wachimbaji 110, wachimbaji 58 ama waliokolewa wakati juhudi kubwa za kuwatafuta na kuwaokoa waathirika kazi iliyofanywa na timu maalum, au wengine walitoka wenyewe kwenye migodi.”

Uchunguzi kuhusiana na sababu za ajali hiyo tayari zilikuwa zinaendelea, mamlaka zimesema, lakini tathminiya awali iliashiria kwamba mlipuko huo ulisababishwa na gesi maalum ambayo inatumika kwenye mgodi na inaweza kulipuka.

Rais wa Uturuki Recep Tayyip Erdogan aliitembelea Amasra siku ya Jumamosi na kuthibitisha idadi ya waliofariki wakati akiwa katika ziara kwenye eneo la tukio.

Kiasi cha wachimbaji mkaa 300 waliuawa katika mlipuko mwaka 2014 katika mji wa magharibi wa Soma, kiasi cha kilometa 350 kutoka Istanbul. Ilikuwa ni ajali mbaya sana kuwahi kutokea katika mgodi nchini Uturuki.

Facebook Forum

XS
SM
MD
LG