Rais wa Brazil alazwa hospitali

3 Januari, 2022

Rais wa Brazil akihutubia wafuasi wake katika maandamano mjini Sao Paulo. Sept 7, 2021.

Rais wa Brazil Jair Bolsanaro amelazwa hospitali Jumatatu asubuhi akiwa na maumivu ya tumbo na alikuwa akifanyiwa uchunguzi ili kuona kama upasuaji utahitajika, daktari wa Bolsanaro Antonio Luiz Macedo ameiambia tovuti ya UOL kutoka kisiwa cha Bahamas.

Televisheni ya Brazil Globo imeonyesha picha za Bolsanaro akishuka kwenye ndege ya rais baada ya kutua mjini Sao Paulo, kisha akapelekwa kwenye hospitali ya Vila Nova Star, Globo imesema.

Bolsanaro alilazwa hospitali mara kadhaa tangu alipochomwa kisu wakati wa kampeni ya urais mwaka 2018.

Julai 2021, alipelekwa hospitali hiyo ya Vila Nova Star kwa sababu ya kuziba kwa utumbo.

Upatikanaji viungo

Tufuate

Rais wa Brazil alazwa hospitali