Matokeo ya uchaguzi huu yana umuhimu mkubwa kwa utawala wa rais Joe Biden katika kutekeleza ajenda za serikali kuu katika muda wa miaka miwili ijayo.
Kulingana na historia ya siasa za Marekani, chama kilicho madarakani huwa kinashindwa katika uchaguzi wa katikati ya mhula na ukusanyaji wa maoni unaonyesha kwamba chama cha Republican kitashinda uchaguzi wa leo.
Mfumko wa bei, kuongezeka kwa uhalifu ndizo hoja kuu za chama cha Republican katika uchaguzi huu huku chama cha Democrat kikiangazia zaidi haki ya wanawake kutoa mimba na uvamizi uliofanywa na wafuasi wa aliyekuwa rais Donald Trump kuvamia majengo ya bunge Januari 6, 2021
Viti 35 vya senate na 435 vya baraza la Congress vinagombaniwa hii leo. Warepublican wanahitaji viti 5 kudhibithi senate.
Ushindani mkali unatarajiwa katika majimbo ya Pennsylvania, Nevada, Georgia na Arizona.