Upatikanaji viungo

Mabomu yalipuka kambi ya jeshi Tanzania


Sehemu ya wahanga wa mabomu ya Gongo la Mboto wakiwa ndani ya uwanja wa Uhuru wakisubiri kujua kinachoendelea

Sehemu ya wahanga wa mabomu ya Gongo la Mboto wakiwa ndani ya uwanja wa Uhuru wakisubiri kujua kinachoendelea

Wakazi wa eneo karibu na kambi ya jeshi la Gongo la Mboto wameondoka katika nyumba zao kujiepusha na athari za milipuko

Mabomu yamelipuka mfululizo Jumatano usiku katika kambi ya jeshi la Tanzania, Gongo la Mboto, kilomita chache kutoka uwanja wa ndege wa kimataifa wa Dar es Salaam. Hakuna ripoti rasmi kutoka serikali ya Tanzania wala madhara yaliyotokana na milipuko hiyo.

Kulingana na wakazi wa karibu na eneo la Gongo la Mboto milipuko hiyo ilianza kiasi cha saa mbili na dakika 35 Jumatano usiku na ilikuwa inaendelea mfululizo hadi karibu saa tano usiku. Wakazi wengi wa maeneo ya jirani wamekimbia nyumba zao kujiepusha na athari za milipuko hiyo.

Milipuko kama hiyo ilitokea katika kambi ya jeshi ya Mbagala mjini Dar es Salaam Aprili 9, 2009 ambapo watu 26 walikufa na wengine 636 kujeruhiwa. Watu zaidi ya elfu tisa walipoteza makazi yao katika milipuko ya Mbagala.

Wakazi wa eneo karibu na Gongo la Mboto wanasema huenda milipuko hii ni mikubwa kuliko ile ya Mbagala.

XS
SM
MD
LG