Upatikanaji viungo

Breaking News
Jumamosi, Desemba 10, 2022 Local time: 07:58

Yoon: Korea kusini imechoswa na uchokozi wa Korea kaskazini


Ndege za kijeshi zikiwa katika mazoezi ya kijeshi nchini Korea kusini Nov 5, 2022

Rais wa Korea Kusini Yoon Suk-yeol amesema kwamba Korea Kaskazini inaendelea kuchukua hatua za uchokozi kutokana na mipango yake ya kutengeneza makombora na silaha za nyuklia, na kutaka ushirikiano wa karibu sana kati ya Marekani na Japan kuidhibithi Korea Kaskazini.

Yoon alikuwa akizungumza katika mkutano kati yake na rais wa Marekani Joe Biden, na waziri mkuu wa Japan Fumio Kishida, pembeni ya mkutano wa viongozi wa mataifa ya Asia Kusini, ASEAN, unaofanyika Phnom Penh, Cambodia.

Katika mkutano na Biden, Yoon amesisitiza kwamba kuna haja kubwa ya kuimarisha mbinu za kuzuia vitisho vya Korea Kaskazini vinavyoendelea kuongezeka, na kwamba wataionyesha Pyongyang kwamba haitapata faida yoyote kutokana na mpango wake wa nyuklia na makombora.

Korea Kaskazini imekuwa ikifanya majaribio ya kila mara ya makombora, kuwahi kuhsuhudiwa, huku kukiwepo wasiwasi kwamba huenda nchi hiyo inajitayarisha kufanya majaribio ya silaha za nyuklia kwa mara ya kwanza tangu mwaka 2017.

Facebook Forum

XS
SM
MD
LG