Upatikanaji viungo

Breaking News
Alhamisi, Oktoba 29, 2020 Local time: 02:17

Waziri Mkuu wa Sudan ametangaza baraza la mawaziri


Waziri Mkuu wa Sudan, Abdalla Hamdok akitangaza baraza la mawaziri nchini humo

Baraza hilo la mawaziri lenye majina 18 mpaka sasa linajumuisha wanawake wanne, miongoni mwao ni Asmaa Abdallah ambaye anakuwa mwanamke wa kwanza kushikilia wadhifa wa waziri wa mambo ya nje wa Sudan

Waziri Mkuu wa Sudan, Abdalla Hamdok alitangaza Alhamis kuundwa kwa serikali ya kwanza tangu kuondolewa madarakani mwezi April, mtawala wa muda mrefu nchini humo Omar Hassan Al-bashir.

Serikali iliyoundwa ni sehemu ya mkataba wa miaka mitatu wa kushirikiana madaraka uliotiwa saini mwezi uliopita kati ya jeshi, vyama vya kiraia pamoja na makundi ya waandamanaji. Hamdok alitangaza majina ya mawaziri 18 katika baraza jipya la mawaziri na alisema kwamba atatangaza majina mawili zaidi baadae.

Hamdok aliwaambia waandishi wa habari mjini Khartoum kuwa serikali hiyo mpya itaanza kufanya kazi mara moja ikifuata misingi ya makubaliano yaliyoafikiwa. Baraza hilo la mawaziri linajumuisha wanawake wane akiwemo Asmaa Abdallah anayekuwa mwanamke wa kwanza kushikilia wadhifa wa waziri wa mambo ya nje wa Sudan.

Madani Abbas Madani, waziri wa viwanda na biashara wa Sudan
Madani Abbas Madani, waziri wa viwanda na biashara wa Sudan

Nafasi ya waziri wa fedha imechukuliwa na Ibrahim Elbadawi, mchumi wa zamani katika benki ya Dunia. Madani Abbas Madani, kiongozi wa ushirika wa kiraia ambao ulipigia debe mkataba wa mpito na jeshi amepewa nafasi ya waziri wa viwanda na biashara.

Facebook Forum

Kura ya Maoni : Uchaguzi Tanzania

Kama unapiga kura leo utampigia nani kura yako ya urais?

Kura hii ya maoni si ya kisayansi na inaonyesha maoni ya waliojibu maswali tu.

Kama unapiga kura leo utampigia nani kura yako ya urais?

Kura hii ya maoni si ya kisayansi na inaonyesha maoni ya waliojibu maswali tu.

XS
SM
MD
LG