Watu 16 wafariki na karibu darzeni tatu kujeruhiwa katika ajali ya majengo Cameroon

Idadi ya majeruhi inaweza kuwa kubwa zaidi alisema Samuel Dieudonne Ivaha Diboua gavana wa eneo la Littoral la Cameroon ambako Douala ipo.

Gavana huyo alisema kuwa waokoaji wakisaidiwa na wanajeshi wa serikali ya Cameroon bado wanachimba kwenye mabaki ili kuona kama miili zaidi inaweza kupatikana. Kikosi cha zima moto cha jeshi kimeamriwa kuungana na shirika la msalaba mwekundu nchini humo na huduma nyingine za uokoaji katika kutafuta walionusurika.