Upatikanaji viungo

Breaking News
Jumanne, Desemba 06, 2022 Local time: 22:43

Wananchi mashariki mwa Congo 'walia' na kupanda kwa bei na ukosefu wa chakula


Mfanyabiashara wa unga DRC.(Malivika).

Wananchi huko mashariki mwa Congo wanasema kwa sasa hali ya maisha inakwenda vibaya kutokana na bidhaa kupanda bei na ukosefu wa chakula katika baadhi ya Miji na wilaya .

Wivine Kavugho ni mkaazi wa Goma aliye na watoto wa wawili tumekutana nae katika soku kuu ya Virunga Mjini Goma akinunua maharagwe kwa ajili ya familia yake lakini amechanganyikiwa kutokana na bei ambayo hakutarajia.

Esperence Kibwana kwa upande anasema chakula kimepanda bei kutokana na usalama mdogo kwenye vijiji ambako ndipo kuna wakulima ,wengi wao wakishurutishwa kuhama makaazi yao kabla mimea kukomaa.

"Kule maporini hakuna chakula watu wamekimbia kwa sababu ya vita" aliongeza Kibwana.

Lucien Sankara ni muendeshaji boda boda Mjini Goma na mzazi ambaye ameshangazwa kuona kila siku bei ya chakula inapanda.

Wachambuzi wa maswala ya kiuchumi kwa upande wao wakisema hali hii inatokana na vita vya Russia na Ukraine na machafuko yanayo shuhudiwa mashariki mwa Congo makundi ya waasi yakidhiti mashamba ya wakulima anasema Dadi Sale .

Suluhisho ikiwa kwa viongozi kusimamisha machafuko pamoja na vita vya Russia na Ukraine inayopelekea kupanda bei ya mafuta Duniani.

Imetayarishwa na mwandishi wetu Austere Malivika voa Goma.

Facebook Forum

XS
SM
MD
LG