Upatikanaji viungo

Breaking News
Alhamisi, Juni 30, 2022 Local time: 23:31

Wananchi Kenya kushiriki katika kuuaga mwili wa Rais wa zamani Mwai Kibaki


Magazeti nchini Kenya yaandika kwa kina kifo cha Rais wa zamani wa Kenya hayati Mwai Kibaki. Mauzo haya yalikuwa mjini Nairobi, Kenya, April 23, 2022.

Waombolezaji wanakusanyika katika bunge la Kenya kwa ajili ya kuangalia mwili wa aliyekuwa rais wa tatu wa nchi hiyo Mwai Kibaki aliyefariki wiki iliyopita akiwa na umri wa miaka 90.

Jeneza la bwana Kibaki limefunikwa bendera ya taifa mapema leo likisindikizwa na wanajeshi kuelekea bungeni ambako litalala kuanzia leo hadi Jumatano.

Rais Uhuru Kenyatta anatarajiwa kuuongoza umma katika kutoa heshima na kuutazama mwili wa hayati kibaki.

Bunge la Kenya ambalo kwa sasa liko mapumzikoni litakuwa na kikao maalumu siku ya Jumatano kumuenzi Kibaki.

Wiki iliyopita rais Kenyatta alitangaza kipindi cha maombolezo na bendera kupepea nusu mlingoti hadi hayati Kibaki atakapozikwa. Kibaki atazikwa kitaifa na heshima zote za kijeshi.

Kenya Obit Mwai Kibaki ((AP Photo/Ben Curtis, file)
Kenya Obit Mwai Kibaki ((AP Photo/Ben Curtis, file)

Rais wa Kenya, Uhuru Kenyatta ametangaza kipindi cha maombolezo kitaifa na bendera kupepea nusu mlingoti kufuatia kifo cha rais wa tatu wa Kenya Mwai Kibaki.

“ Kama kiongozi mkuu katika historia ya kenya baada ya uhuru , Mwai Kibaki alipata heshima na mapenzi makubwa ya watu wa taifa hili na mataifa mengine duniani kote.

“Rais Kibaki atakumbukwa daima kama mwanasiasa muungwana wa kenya , mtoa mada mahiri ambaye ufasaha, na haiba yake vilishinda daima,”ameeleza Rais Kenyatta.

Rais Uhuru Kenyatta REUTERS/Monicah Mwangi
Rais Uhuru Kenyatta REUTERS/Monicah Mwangi

Baada ya kuondoka madarakani mwaka 2013 , kibaki alijihusisha kwa mara chache katika maisha ya umma.

Alianza kuugua mwaka 2016 na maafisa wa serikali na familia yake hawakuwa wakitoa taarifa za afya yake.

Alifurahia maisha mazuri ya afya yake wakati mwingi wa maisha ya utu uzima, akijulikana kuwa mcheza golf wa kudumu nchini humo hadi alipojeruhiwa katika ajali ya barabarani mwaka 2002.

Kibaki amelitumikia taifa la Kenya kama rais wa tatu kwa miaka 10 kuanzia mwaka 2002-2013 na kama mbunge kwa miaka 50 mwaka 1963-2013.

Facebook Forum

XS
SM
MD
LG