Upatikanaji viungo

Breaking News
Ijumaa, Septemba 17, 2021 Local time: 23:16

Wanafunzi waliotekwa Nigeria waachiliwa


Wanafunzi wa Nigeria walioachiliwa na watekaji nyara kwenye picha ya awali

Gavana wa jimbo la Zamfara lililoko kaskazini mwa Nigeria ,Bello Matawalle amesema Jumatatu kwamba karibu wanafunzi 70 waliotekwa nyara wakiwa shule wameachiliwa baada ya kushikiliwa kwa wiki mbili. 

Kwa mujibu wa shirika la habari la AP, wanafunzi hao kutoka shule ya upili ya Government Day wameachiliwa kwa msaada wa baadhi ya watekaji nyara waliojisalimisha. Tukio hilo lilifanyika Septemba mosi baada ya watu wenye silaha kuvamia shule hiyo,ikiwa ni moja ya matukio ya karibuni ya utekaji nyara, yaliyopelekea serikali kufunga shule zote za msingi na sekondari kwenye jimbo la Zamfara.

Kulingana na shirika la watoto la Umoja wa Mataifa UNICEF,Nigeria imeshuhudia taktiban visa 10 vya aina hiyo katika kipindi cha mwaka mmoja uliopita ambapo takriban wanafunzi 1,436 wametekwa. Zaidi ya wanafunzi 200 wanaendelea kushikiliwa huku 16 wakisemekana kufa wakati wa mashambulizi. Matukio mengi yanasemekana kufanyika kwenye majimbo 9 mengi yakiwa kaskazini mwa Nigeria.


Facebook Forum

XS
SM
MD
LG