Ujerumani: Wafuasi 25 wa itakidaki ya mrengo wa kulia wakamatwa kwa kujaribu kuipindua serikali

7 Desemba, 2022

Wafuasi wa itikadi kali ya mrengo wa kulia wakati wa maandamano dhidi ya sera za serikali ya Ujerumani kuhusu uhamiaji, mjini Berlin, Machi 12, 2016. Picha ya Reuters

Maelfu ya maafisa wa polisi walifanya msako katika sehemu kubwa ya Ujerumani siku ya Jumatano dhidi ya washukiwa wa itikadi kali za mrengo wa kulia ambao wanadaiwa kutaka kuipindua serikali katika mapinduzi ya kijeshi.

Maafisa walisema watu 25 wamekamatwa. Waendesha wa mashtaka wa serikali wamesema baadhi ya maafisa 3,000 walifanya msako katika sehemu 130 katika majimbo 11 kati ya 16 ya Ujerumani dhidi ya wafuasi wa vuguvugu linaloitwa Reich Citizens.

Baadhi ya wanachama wa vuguvugu hilo wanakataa katiba ya Ujerumani baada ya vita na wametaka kuiangusha serikali.

Waziri wa Sheria Marco Buschmann alielezea uvamizi huo kama "operesheni ya kupambana na ugaidi," akiongeza kuwa washukiwa hao wanaweza kuwa walipanga mashambulizi ya silaha dhidi ya taasisi za serikali.