Upatikanaji viungo

Breaking News
Jumapili, Novemba 01, 2020 Local time: 05:07

Trump, aliyelazwa hospitali kutokana na COVID-19, ‘anaendelea vizuri’


Rais Donald Trump, anayetibiwa kutokana naCOVID-19 katika hospitali ya nje ya mji wa Washington, akizungumza kutoka hospitali, Picha inayotokana na video kwa hissant ya White House, Oct. 3, 2020.

Rais wa Marekani Donald Trump “anaendelea kupata nafuu” na hadi sasa kuna mabadiliko tangu kufanyiwa vipimo na kugundulika ana COVID-19, kulingana na tamko la daktari wake, Daktari Sean Conley, iliyotolewa Jumamosi usiku.

Jumamosi jioni Mkuu wa Wafanyakazi wa White House Mark Meadows amekiambia kipindi “Justice with Jeannine” cha kituo cha televisheni cha Fox News kulikuwa na wasiwasi juu ya hali ya rais Ijumaa.

Mark Meadows
Mark Meadows

“Jana tulikuwa na wasiwasi kwelikweli,” Meadows amesema. Yeye (Trump) alikuwa na homa na kiwango cha hewa ya Oxygen katika damu yake kilishuka sana.”

Mapema leo, jopo la madaktari wanaomtibu rais wametoa ripoti yenye matumaini.

“Leo asubuhi rais anaendelea vizuri,” Sean Conley, amewaambia waandishi wa habari Jumamosi asubuhi kwenye Kituo cha Tiba cha Kijeshi cha Taifa cha Walter Reed.

Katika taarifa mpya ya Jumamosi usiku, amesema Trump amepewa dozi ya pili ya remdesivir, “ hana homa na hatumii hewa ya oxygen ya ziada anapumua vizuri kwa asilimia 96 hadi 98 siku nzima.

Daktari wa Rais Sean Conley akiwa na jopo la madaktari wanaomtibu Rais Donald Trump
Daktari wa Rais Sean Conley akiwa na jopo la madaktari wanaomtibu Rais Donald Trump

Wakati rais hajatoka katika hatari ya ugonjwa, madaktari wake wanachukuwa tahadhari wakiwa na matumaini, taarifa ya Conley imesema.

Trump ataendelea kupewa dozi zaidi ya dawa ya Remdesiver Jumapili, na madaktari wake wataendelea kufuatilia kwa karibu sana hali yake, taarifa imesema.

Facebook Forum

XS
SM
MD
LG