Upatikanaji viungo

Breaking News
Ijumaa, Desemba 02, 2022 Local time: 11:50

Trump alitia saini taarifa ya kiapo licha ya kuambiwa sio sahihi-Jaji


Rais wa zamani Donald Trump akielekeza umati wa watu alipowasili kuhutubia mkutano wa hadhara Julai 22, 2022. AP

Jaji wa mahakama ya serikali kuu ya Marekani huko California Jumatano alisema rais wa Marekani wa wakati huo Donald Trump alikuwa ametia saini taarifa ya kiapo ikisisitiza kwamba nambari za udanganyifu wa wapiga kura zilizojumuishwa katika kesi ya uchaguzi wa mwaka 2020 zilikuwa sahihi.

Jaji wa mahakama hiyo amesema hayo yalijiri licha ya kuambiwa kuwa nambari hizo sio sahihi.

Jaji wa mahakama moja David Carter alifichua hayo akimwamuru wakili John Eastman kutoa barua pepe zaidi kwa kamati ya bunge inayochunguza shambulio la Januari 6, 2021 dhidi ya bunge la Marekani la wafuasi wa Trump.

Eastman alikuwa mmoja wa mawakili wa Trump wakati rais huyo wa zamani na washirika wake walipopinga kushindwa kwake katika uchaguzi wa mqwaka 2020 na Joe Biden.

Wawakilishi wa Trump na Eastman hawakujibu mara moja maombi ya maoni yao.

Carter alisema Jumatano kwamba Trump "alitia saini uthibitisho wa kiapo" kwamba nambari zisizo sahihi za udanganyifu ni za "kweli na sahihi" au "zinaaminika kuwa za kweli na sahihi" kwa kadri ya ufahamu na imani yake, wakati akidai kuhesabiwa vibaya kwa kura katika kaunti moja huko Georgia.

Facebook Forum

XS
SM
MD
LG