Upatikanaji viungo

Breaking News
Jumanne, Desemba 06, 2022 Local time: 19:24

Tetemeko la ardhi lauwa watu Afghanistan


Picha ya tetemeko la radhi ya maktaba

Tetemeko la ardhi limetokea magharibi mwa Afghanistan Jumatatu, na kuuwa takribani watu 22, na kujeruhi wengine kadhaa.

Kitovu cha tetemeko hilo lililokuwa na nguvu ya 5.3 kwenye rikta, kilikuwa takriban kilometa 40 mashariki mwa Qala-e-Naw, mji mkuu wa jimbo la Badghis kwa mujibu wa kituo cha utafiti cha mambo ya jiolojia cha Marekani.

Shirika la habari la Afghanistan la Bakhtar limenukuu mamlaka nchini humo ikisema kwamba wanawake na Watoto ni miongoni mwa walioathirika zaidi. Idadi ya vifo inatarajiwa kuongezeka.

Vifo vingi na uharibifu mkubwa umetokea katika wilaya ya Qadis ambapo mapaa ya nyumba nyingi za wakazi yameezuliwa. Afghanistan inayokabiliwa na umasikini mkubwa imekuwa ikikumbwa na matetemeko ya ardhi, hasa katika maeneo ya milima ya Hindu Kush inayopatikana karibu na mabonde ya Eurasia na India.

Facebook Forum

XS
SM
MD
LG