Upatikanaji viungo

Breaking News
Jumatano, Desemba 07, 2022 Local time: 00:04

Sunak: Nitaiongoza Uingereza kwa uadilifu, weledi na uwajibikaji


Waziri mkuu wa Uingereza Rishi Sunak Okt 24 2022

Rishi Sunak ameidhinishwa rasmi kuwa waziri mkuu wa Uingereza.

Anakuwa waziri mkuu wa tatu katika muda wa mwaka mmoja, baada ya kujiuzulu kwa Liz Truss.

Sunak, anaingia madarakani wakati Uingereza inakabiliwa na hali ngumu ya kiuchumi huku mamilioni ya watu nchini Uingereza wanakabiliana na hali ngumu ya maisha kutokana na kuongezeka kwa bei ya bidhaa muhimu na nishati.

Sunak mwenye umri wa miaka 42, amekutana na mfalme Charles wa III, aliyeidhinisha uteuzi wake, muda mfupi baada ya kupokea rasmi ombi la Liz Truss kujiuzulu.

Anakuwa waziri mkuu wa Uingereza mwenye umri wa chini zaidi katika kipindi cha zaidi ya miaka 200.

Anatarajiwa kuanza kuunda baraza lake la mawaziri litakalofanya kazi kuhakikisha kwamba Uingereza inatoka kwenye mgogoro wa uchumi. Ana kazi pia ya kujaribu kukiunganisha chama cha Conservative ambacho kimegawanyika baada ya kujiuzulu kwa Truss na kilichoingia katika mgogoro mkubwa na kupelekea kujiuzulu kwa Boris Johnson.

Akizungumza katika makao ya waziri mkuu mjini London, Sunak amesema kwamba Truss alifanya makosa katika baadhi ya maamuzi yake lakini akaahidi “kurejesha udhibiti wa uchumi na Imani ya watu wa Uingereza”.

Amesema kwamba “atakabiliana na mgogoro wa kiuchumi” kwa kuongoza serikali kwa “uadilifu, weledi na uwajibikaji.”

Facebook Forum

XS
SM
MD
LG