Upatikanaji viungo

Breaking News

Sudan ina matumaini ya kupatikana suluhu baina ya Machar, Kiir


Rais wa Sudan Kusini Salva Kiir (kushoto), Rais wa Sudan Omar Al-Bashir (kulia) na kiongozi wa waasi Sudan Kusini Riek Machar (kati) walipomaliza mazungumzo ya amani mjini Khartoum, Sudan, Juni 27, 2018.

Mpatanishi wa Sudan anasema kiongozi wa waasi wa Sudan Kusini Riek Machar ameamua kutia saini waraka wa hivi karibuni wa kufufua mkataba wa amani ili kumaliza vita vya wenyewe kwa wenyewe vilivyosababisha maafa makubwa kwa miaka mitano iliyopita.

Kwa upande wa pili Kiir alitia saini rasimu kama hiyo jana Jumanne huko Khartoum lakini Machar alikataa kutokana na kua na mashaka juu ya idadi ya majimbo na mipaka yao.

Machar alitia saini rasimu ya awali ya mkataba wa kushirikiana madaraka mwanzoni mwa mwezi Agosti katika mji mkuu wa Sudan, Khartoum akiwa na Rais wa Sudan Kusini, Salva Kiir.

Utawala wa Kiir ulibadilisha idadi ya majimbo yaliyokuwepo hapo 2015 kutoka 10 hadi 32.

Lakini saa kadhaa baadae, Waziri wa Mambo ya Nje wa Sudan, Al-Dierdiry Ahmed aliwaambia waandishi wa habari kwamba Machar alibadilisha mawazo yake na atatia saini mkataba kesho Alhamisi baada ya majadiliano ya kina na wapatanishi wa Sudan.

Imetayarishwa na Mwandishi wetu Mkamiti Kibayasi, Washington, DC

Facebook Forum

Recommended

  • Vice President Joe Biden President Donald Trump

    UCHAGUZI MAREKANI 2020

XS
SM
MD
LG