Msemaji wa jeshi la Rwanda Col. Ronald Rwivanga, amesema kwamba maafisa wa jeshi wanashirikiana na maafisa wa jeshi la DRC kuchunguza kisa hicho kilichotokea katika wilaya ya Musanze.
Rwanda inataka uchunguzi wa kina kufanyika.
Baadhi ya maafisa wa DRC wameshutumu jeshi la Rwanda kwa kuunga mkono makundi ya wapiganaji yanayotekeleza mashambulizi mashariki mwa Congo, ambapo kuna utajiri mkubwa wa madini.
Rwanda imetaja madai ya kuunga mkono makundi ya waasi nchini Congo kuwa yasiyokuwa ya msingi.
Mapigano makali yanaendelea kati ya wanajeshi wa DRC na wapiganaji wa kundi la M23.