Rais wa zamani wa Mauritania kufikishwa mahakamani kujibu mashtaka ya ufisadi dhidi yake

25 Januari, 2023

Katibu mkuu wa Umoja wa mataifa Antonio Guterres akikutana na rais wa zamani wa Mauritania Ould Abdel Aziz, Septemba 18, 2017. Picha ya AFP

Rais wa zamani wa Mauritania Mohamed Ould Abdel Aziz atafikishwa mahakamani leo Jumatano kukabiliwa na mashtaka ya ufisadi katika kesi ya kipekee dhidi ya kiongozi wa zamani wa nchi ya Afrika.

Abdel Aziz, mwenye umri wa miaka 66 na jenerali wa zamani wa kijeshi, anakabiliwa na mashtaka ya kupata utajiri kwa njia isio halali katika miaka 11 ya utawala wake.

Alikamatwa mkesha wa kesi yake, amesema wakili wake Cire Cledor Ly.

Polisi “walikuja kumtafuta nyumbani kwake” katika mji mkuu Nouakchott, wakiwa na hati ya kumkamata, walisema.

Vigogo wengine 10 katika utawala wake, wanakabiliwa pia na mashtaka ya ufisadi, utakatishaji wa fedha na utajiri usio halali, walikamatwa pia, chanzo cha usalama kimesema.