Upatikanaji viungo

Breaking News
Ijumaa, Oktoba 07, 2022 Local time: 09:09

Rais wa Ivory Coast afanya kikao na watangulizi wake kwenye ikulu


Rais wa Ivory Coast Alassane Ouattara , katikati, aliyekuwa rais Laurent Gbagbo kulia na mwenzao Henri Kona Bedie, kushoto

Rais wa Ivory Coast Alassane Ouattara Alhamisi amekutana na watangulizi wake Henri Konan Bedie na Laurent Gbagbo kwa maugumzo ya faragha katika ikulu ya rais.

Kwa mujibu wa shirika la habari la Reuters, viongozi hao watatu ambao wameongoza siasa za taifa hilo kwa miongo mitatu iliyopita wanatarajia kikao hicho kuwa mwanzo wa kupunguza mivutano ya kisiasa nchini, kulingana na msemaji wa muda wa Gbagbo.

Takriban watu 3,000 waliuwawa 2010 baada ya Gbagbo kukataa kukubali kushindwa na Ouattara, kabla ya waasi waliokuwa wakiunga Ouattara mkono kuvamia mji mkuu wa Abidjan, na kumkabidhi madaraka. Gbagbo baadaye alishitakiwa kwenye mahakama ya kimataifa ya jinai kutokana na uhalifu wa kivita lakini akondolewa mashitaka mwaka wa 2019, na kisha kurejea nchini mwaka 2021.

Quattara amesema kwamba kikao hicho hakikuwa cha kawaida, na kwamba vikao vingine sawa na hicho vitafuata. Ivory Coast imeshuhudia utulivu kwa kiasi fulani wakati wa utawala wa Ouattara ingawa watu kadhaa waliuwawa wakati wakati wa uchaguzi wa 2020.

Facebook Forum

XS
SM
MD
LG