Upatikanaji viungo

Breaking News
Ijumaa, Desemba 09, 2022 Local time: 15:55

Mwandishi maarufu Zimbabwe apatikana na hatia ya kufanya maandamano


Mwandishi wa Zimbabwe Tsitsi Dangarembga akifikishwa katika Mahakama ya Hakimu Mkazi kwa mashtaka ya kuchochea ghasia za umma mjini Harare, Zimbabwe, Septemba 29, 2022. REUTERS/Philimon Bulawayo.

Mwandishi Mshindi wa tuzo na mtayarishaji filamu wa Zimbabwe Tsitsi Dangarembga alipatikana na hatia ya kufanya maandamano ya kuipinga serikali na kupokea hukumu iliyositishwa ya kifungo cha miezi sita jela na faini, mahakama iliamua Alhamisi.

Dangarembga na mshtakiwa mwenzake Julie Barnes, ambaye pia alipatikana na hatia, walikuwa wameshtakiwa kwa kushiriki katika mkutano wa hadhara kwa nia ya kuchochea ghasia za umma wakati wa kuvunja itifaki za COVID-19, baada ya kufanya maandamano mnamo Julai 2020.

Wawili hao walitozwa faini ya dola 70,000 za Zimbabwe na kupokea hukumu iliyosimamishwa, mradi hawatatenda kosa kama hilo katika siku zijazo.

Mkosoaji mkali wa serikali ya Rais Emmerson Mnangagwa ambaye amekuwa akipigana kwa miaka mingi dhidi ya ufisadi na kutaka mageuzi, Dangarembga alikuwa ameshikilia wakati wa kesi hiyo kwamba Wazimbabwe wana haki ya kuandamana.

Wawili hao walinuia kuchochea ghasia na washtakiwa wamepatikana na hatia kama walivyoshtakiwa,hakimu wa Harare Barbara Mateko alisema.

Facebook Forum

XS
SM
MD
LG