Mwanadada huyo amekamatwa tena siku mbili tu baada ya kuachuliwa kutoka jela. Nazila Maroufian aliachiliwa kutoka jela ya Evin mjini Tehran Jumapili, wakati akiweka picha yake kwenye mitandao ya kijamii bila kuvaa hijab, ambayo ni hatia kwenye taifa hilo la kiislamu.
Ujumbe wake pia ulikuwa na maneno ya, “ Usikubali utumwa, unastahili kuwa huru”. Baada ya kukamatwa tena Maroufian alipelekwa kwenye jela ya wanawake ya Qarchak, nje ya Tehran ambayo hali yake imekuwa ikilalamikiwa na makundi ya haki za binadamu, shirika la habari la wanaharakati wa haki hizo la HRANA lenye makao yake makuu Marekani limesema.
Shirika hilo ambalo hukusanya taarifa kutoka kwa wanaharakati kote ulimwenguni limesema kwamba limedhibitisha ukamataji huo kutoka kwa jamaa wa karibu na Maroufian.
Forum