Upatikanaji viungo

Breaking News
Jumatatu, Januari 30, 2023 Local time: 00:52

Mustakabali wa kisiasa wa Rais Ramaphosa mashakani


Rais wa Afrika Kusini Cyril Ramaphosa akijibu masuali ya wabunge kuhusu kashfa ya pesa anazodaiwa kuficha katika shamba lake, Septemba 22, 2022. Picha ya Reuters

Mustakabali wa kisiasa wa Rais Cyril Ramaphosa umeingia mashakani leo Ijumaa, huku wananchi wa Afrika Kusini wakijiuliza iwapo atabakia madarakani au kujiuzulu kufuatia tuhuma za kuficha wizi uliotokea katika shamba lake.

Siku ya Alhamisi, kulikuwa na uvumi kwamba rais huyo mwenye umri wa miaka 70 anakaribia kujiuzulu. Lakini kufikia Ijumaa asubuhi, hali ilionekana kubadilika huku washirika wake wakimuomba kuendelea kupambana.

Chama tawala cha African National Congress (ANC) kilikuwa kinatarajiwa kufanya kikao cha dharura cha bodi yake ya kufanya maamuzi saa nne asubuhi majira ya huko, kujadili mzozo huo ambao ulizidisha migawanyiko ndani ya chama.

Ramaphosa amekuwa akikabiliwa na shutma kali tangu mwezi Juni, wakati mkuu wa zamani wa idara ya ujasusi alipowasilisha malalamiko kwa polisi, akidai kuwa Ramaphosa alificha wizi wa pesa taslimu katika shamba lake la Phala Phala, kaskazini mashariki mwa nchi.

Ramaphosa alikanusha kufanya makosa yoyote.

Facebook Forum

XS
SM
MD
LG