Upatikanaji viungo

Breaking News
Jumatano, Februari 08, 2023 Local time: 07:20

Mtoto wa rais wa zamani wa Msumbiji ahukumiwa miaka 12 jela kwa makosa ya ufisadi


Mtoto wa zamani wa rais wa Msumbiji Armando Guebuza, Ndambi Guebuza, akiwa mahakamani wakati wa kusikilizwa kesi ya ufisadi dhidi yake, Novemba 30, 2022. Picha ya AFP

Mahakama moja nchini Msumbiji leo Jumatano imewahukumu wakuu wawili wa zamani wa ujasusi na mtoto wa rais wa zamani kifungo cha miaka 12 jela kila mmoja kwa kuhusika kwao katika kashfa ya ufisadi ambapo serikali ilificha madeni makubwa, na kusababisha mzozo wa kifedha nchini humo.

Miongoni mwa washtakiwa 19 walioshtumiwa katika kashfa kubwa nchini humo ni mtoto wa rais wa zamani Armando Guebuza, Ndambi Guebuza, mkuu wa zamani wa idara ya usalama na ujasusi, Gregorio Leao, na mkuu wa zamani wa idara ya ujasusi kuhusu masuala ya uchumi ambaye aliongoza kampuni tatu za serikali zilizokopa mabilioni ya pesa katika njia isiyo halali, Antonio do Rosario.

Washtakiwa wanane waliachiwa huru huku waliobaki wakipewa kifungo cha kati ya miaka 10 na 12.

Kashfa hiyo iliibuka baada ya kampuni za serikali katika nchi hiyo kukopa kinyume cha sheria dola bilioni 2 mwaka wa 2013 na 2014 kutoka benki za kimataifa ili kununua meli ya uvuvi na meli za usalama.

Facebook Forum

XS
SM
MD
LG