Upatikanaji viungo

Breaking News
Jumanne, Novemba 30, 2021 Local time: 02:22

Mkuu wa CIA William Burns atembelea Russia


Mkuu wa idara ya kijasusi ya CIA ,William Burns

Mkuu wa idara ya ujasusi ya CIA William Burns Jumanne amefanya ziara isiyo ya kawaida mjini Moscow ukiwa mkutano wa karibu zaidi kujadilia uhusiano kati ya Marekani na Russia licha ya mataifa yote kuwa katika hali ya kutoaminia pamoja na kutofautiana kwenye masuala mengi.

Msemaji wa ubalozi wa Marekani nchini Russia amesema kwamba Burns anaandamana na viongozi wengine wa ngazi ya juu kwenye ziara hiyo inayomalizika leo, baada ya kuombwa kufanya hivyo na rais Joe Biden.

Baraza la usalama la Russia limesema kwamba Burns ambaye anazungumza ki Russia, na ambaye pia alikuwa wakati mmoja balozi wa Marekani mjini Moscow, amefanya kiako na katibu wa baraza hilo, Nikolai Patrushev pamoja na aliyekuwa kiongozi wa idara ya kijasusi ya Russia ya FSB. Hakuna upande uliotoa maelezo zaidi kuhusu vikao hivyo ingawa masuala ya kiusalama yanakisiwa kutawala kwenye mazungumzo yao.

Katika siku za karibuni, Marekani na Russia wametofautiana kuhusu madai ya mashambulizi ya kimitandao dhidi ya Marekani, uungaji mkono wa Russia kwa rais wa Syria Bashar al Assad, kufungwa jela kwa kiongozi wa upinzani Alexey Navalny pamoja na mwenendo wa Russia dhidi ya Ukraine, ambako ilijinyakulia Peninsula ya Crimea mwaka wa 2014.

Facebook Forum

XS
SM
MD
LG