Upatikanaji viungo

Breaking News
Jumatano, Juni 19, 2024 Local time: 19:14

Mke wa rais wa Marekani Jill Biden awasili Namibia


Rais wa Namibia Hage Geingob akisalimiana na mke wa rais wa Marekani Jill Biden wakati wa ziara yake katika kituo chake cha kwanza kwenye ziara yake barani AfriKa katika ikulu katika mji mkuu wa Windhoek Namibia.
Rais wa Namibia Hage Geingob akisalimiana na mke wa rais wa Marekani Jill Biden wakati wa ziara yake katika kituo chake cha kwanza kwenye ziara yake barani AfriKa katika ikulu katika mji mkuu wa Windhoek Namibia.

Mke wa rais wa Marekani Jill Biden amewasili Namibia kituo cha kwanza katika ziara ya siku tano barani Afrika, ikiwa ni sehemu ya msukumo wa Marekani kuimarisha uhusiano wake katika bara hilo.

Biden alitua katika uwanja wa ndege katika mji mkuu wa Namibia Windhoek Jumatano alasiri kabla ya kuelekea Heroes' acre, eneo la kumbukumbu ya vita, pamoja na mke wa rais wa Namibia.

Safari yake itaangazia elimu, afya na kuwawezesha vijana na wanawake, alisema katika taarifa yake kwenye mitandao ya kijamii. Baada ya Namibia atakwenda nchini Kenya ambako atasikia kutoka kwa wale walioathiriwa na ukame na uhaba wa chakula, alisema.

Utawala wa Biden unapanga kufanya ziara kadhaa za ngazi ya juu barani Afrika mwaka huu katika juhudi za kukabiliana na ushawishi wa China na Russia katika bara hilo.

Kwa sasa Afrika Kusini ni mwenyeji wa mazoezi ya pamoja ya jeshi la majini kati ya Russia na China, hatua ambayo nchi hiyo inasema ni ya kawaida lakini imeitia wasiwasi Marekani na washirika wengine wa Magharibi.

Ni safari ya kwanza ya Jill Biden barani Afrika kama mke wa rais.

XS
SM
MD
LG