Misri yatangaza mgao wa umeme kutokana na joto kali

Watumishi wa umma watafanyia kazi nyumbani siku moja kwa wiki katika jitihada za kupunguza gharama kwenye mitandao ya umeme ya ndani, Mostafa Madbouli alisema katika hotuba kwenye televisheni, wakati vipimo vya joto vinavyozidi nyuzi joto 45 vilirekodiwa katika baadhi ya maeneo ya nchi wiki hii.

Alithibitisha pia kwamba mipango ya mgao wa umeme iliyotangazwa na serikali wiki iliyopita itaendelea, huku wakazi wakionywa kutotumia lifti nyakati fulani za mchana.

Hatua ya wiki iliyopita ilizua ukosoaji mkubwa, huku watu wengi wakilalamika kwamba mgao huo, ambao unafanyika mara kwa mara nyakati za joto kali mchana, mara nyingi ukidumu kwa zaidi ya saa mbili kwa siku na unatokea baada ya muda uliopangwa.

Madbouti Alhamisi alisema mgao uliopangwa utadumu kwa saa moja au mbili kwa siku, akiongeza kuwa unafanyika wakati matumizi ya nishati yanaongezeka.

Waziri mkuu huyo aliwaagiza watumishi wa umma ambao hawashughuliki moja kwa moja na kutoa huduma kwa umma kuanza kufanyia kazi nyumbani kila Jumapili kwa mwezi kuanzia Agosti 6, na kuhimiza sekta ya kibinafsi kuchukua hatua kama hizo.