Meja jenerali Haliva wa Israel ametangaza kujiuzulu wadhifa wake

Jeshi la Israel limetangaza kujiuzulu kwa mkuu wa idara yake ya upelelezi kujibu shambulio la Oktoba 7 la Hamas dhidi ya Israel.

Meja Jenerali Aharon Haliva tayari alitangaza hadharani jukumu la kushindwa kwa upelelezi uliosababisha shambulio ambapo Israel inasema wanamgambo wa Hamas waliwaua watu 1,200 na kuwateka nyara watu 250.

Jeshi leo Jumatatu lilitoa barua ya kujiuzulu kutoka kwa Haliva na kusema ataondoka katika wadhifa wake na kustaafu mara tu mtu atakayechukua nafasi yake atakapoteuliwa. Kurugenzi ya upelelezi chini ya uongozi wangu haikutimiza wajibu tuliokabidhiwa.

Ninaibeba siku hiyo nyeusi tangu wakati huo, siku baada ya siku. Nitayabeba maumivu haya milele, Haliva alisema katika barua hiyo. Haliva ni afisa wa kwanza wa ngazi ya juu kujiuzulu kuhusiana na shambulio hilo.