Upatikanaji viungo

Breaking News
Jumapili, Septemba 19, 2021 Local time: 05:11

Marekani yaomba mataifa mengine kutoa misaada Afghanistan


Maafisa wa Marine wa Marekani nchini Afghanistan

Marekani imeomba darzeni ya mataifa kuwapa hifadhi raia wa Afghanistan waliyoko hatarini, wakati ikiendelea na juhudi za kuondoa raia wake pamoja na wanadiplomasia nchini humo.  

Jumatano, Rais wa Marekani na makamu wake Kamala Harris walifahamishwa kuhusu hali halisi nchini Afghanistan, wakati wakiwa kwenye ikulu.

Miongoni mwa masuala yaliozungumziwa ni pamoja na utoaji wa vibali maalum vya kusafiria kwa wahamiaji, maarufu SIV, pamoja na kuhakikisha usafiri salama kwenye uwanja wa ndege wa kimataifa wa Karzai mjini Kabul .

Taarifa tofauti zimeongeza kuwa Biden pia alizungumza na chancela wa Ujerumani Angela Merkel kuhusu haja ya kushirikiana katika kupeleka misaada ya kibinadamu kwa watu wa Afghanistan pamoja na kwenye mataifa jirani.

Ikulu ya Marekani imesema kuwa Marekani, Ujerumani na Uingereza wamekubaliana kufanya kikao cha kimitandao cha viongozi wa nchi saba tajiri Zaidi duniani, G7 wiki ijayo, ili kujadili hali nchini Afghanistan.

Facebook Forum

XS
SM
MD
LG