Upatikanaji viungo

Breaking News

Mafuriko yauwa watu 9 Indonesia


Wakazi wakisafisha nyumba zilizoharibiwa na mafuriko na maporomoko ya matope katikati ya mji wa Tapanuli, Kaskazini mwa Sumatra, Indonesia, Jumatano, Januari 29, 2020.

Mafuriko ya ghafla na maporomoko ya ardhi yamesababisha vifo vya watu 9 na maelfu kukosa makazi katika kisiwa cha Sumatra nchini Indonesia.

Maelfu ya watu wamehamia katika makazi ya muda katika Kisiwa cha Sumatra, Indonesia, idara ya maafa ya nchi hiyo imesema Alhamisi.

Mvua kubwa zinazo nyesha Kaskazini ya Sumatra wiki hii zilisababisha maafa hayo, na wengi walizama ndani ya maji au kupigwa na magogo ya miti yaliyo kuwa yanapelekwa kwa kasi na mawimbi, shirika hilo limesema.

Wataalam wa mazingira wanaeleza kuwa ukataji haramu wa miti ulokithiri katika kisiwa hicho huwenda umechangia mafuriko hayo kulingana na maafisa wa kiswa bkutokana na momonyoko wa udongo.

Mwezi huu, kipimo kikubwa cha mvua kilisababisha mafuriko na maporomoko yaliyouwa takriban watu 70 ndani na maeneo yanayo izunguka Jakarta, ambayo iko jirani na kisiwa cha Java.

Maeneo ya jirani na mji mkuu wa Indonesia – jiji kuu lenye wakazi zaidi ya watu milioni30 – yalizama katika mafuriko hayo na kuwafanya maelfu ya watu kuishi katika kambi za muda.

Kisiwa kilichoko Kusini mashariki mwa Asia mara kwa mara imekuwa ikikumbwa na mafuriko wakati wa msimu wa mvua, zilizoanza mwisho wa mwezi Novemba.

Facebook Forum

XS
SM
MD
LG