Upatikanaji viungo

Breaking News
Jumamosi, Oktoba 24, 2020 Local time: 06:45

Mafuriko Malawi : Vifo vyafikia 28


Ramani ya Malawi

Idadi ya watu waliokufa kutokana na mvua kubwa zilizosababisha mafuriko Kusini mwa Malawi imefikia watu 28.

Taarifa ya Wizara ya Mambo ya Ndani ya nchi hiyo iliyotolewa Jumamosi imesema kuwa wakati huohuo idadi ya walioathirika inakadiriwa kuongezeka mara dufu.

Msemaji wa Wizara hiyo anayehusika na udhibiti wa maafa Chipiliro Khamula, amesema watu 124 wamejeruhiwa huku takribani wengine zaidi ya 200,000 wamelazimika kuhama makazi yao katika jumla ya wilaya 14.

Wakati huohuo Rais wa Malawi, Arthur Peter Mutharika ametangaza tukio hilo kuwajanga la kitaifa baada ya dhoruba kali kusababisha kuta za mito kubomoka na mafuriko kufunika vijiji hivyo.

Katika maeneo hayo umeme umekatika na huduma ya maji inakosekana.

Rais Mutharika ameelekeza misaada ya dharura kuelekezwa katika maeneo hayo yaliyoathirika kuratibiwa kwa haraka ikiwemo na kulitaka Jeshi la Malawi kusaidia katika zoezi la uokozi.

Dhoruba kama hiyo pia imesababisha mafuriko katika baadhi ya mikoa nchini Msumbiji.

Imetayarishwa na Mwandishi wetu, Washington, DC.

Facebook Forum

Kura ya Maoni : Uchaguzi Tanzania

Kama unapiga kura leo utampigia nani kura yako ya urais?

Kura hii ya maoni si ya kisayansi na inaonyesha maoni ya waliojibu maswali tu.

Kama unapiga kura leo utampigia nani kura yako ya urais?

Kura hii ya maoni si ya kisayansi na inaonyesha maoni ya waliojibu maswali tu.

XS
SM
MD
LG