Rais wa Venezuela Nicolas Maduro atakutana Alhamisi na mwenzake wa Guyana, Mohamed Irfaan Ali, huku mivutano ikiongezeka juu ya mamlaka ya eneo lenye utajiri wa mafuta la Essequibo.
Mkutano huo ambao umepangwa kufanyika katika kisiwa cha Caribbean cha St. Vincent, ulitangazwa kufuatia mazungumzo ya Maduro na waziri mkuu wa St. Vincent na Grenadines, na rais wa jumuiya ya Latin Amerika na mataifa ya Caribbean (CELAC), Ralph Gonsalves, pamoja na Katibu Mkuu wa Umoja wa Mataifa Antonio Guterres siku ya Jumamosi.
Ali, ambaye alikubali mkutano huo licha ya bunge lake kwa kauli moja kumwambia asiende, alisema kuwa mpaka wa ardhi wa Guyana hautakuwepo katika majadiliano.
Migogoro juu ya mkoa wa Essequibo ni ya muda mrefu, ingawa ugunduzi wa hivi karibuni wa mafuta na gesi kwenye ufukwe umesababisha mivutano juu ya suala hilo.
Forum