Maandamano yafanyika Ufaransa kufuatia mauaji yaliyofanywa na polisi

30 Juni, 2023

Waandamanimjini Paris. Picha ya maktaba.

Vurugu zinazoongezeka nchini Ufaransa kufuatia kifo cha kijana mmoja zimeibua kumbukumbu za ghasia za mwaka wa 2005 nchini humo wakati kukiendelea kuwa na lawama za muda mrefu kutoka kwa wakosoaji wa polisi kwamba wanalenga vijana kutoka kwa jamii zilizotengwa.

Alhamisi maelfu ya watu waliandamana kwenye kitongoji cha kifahari cha Paris cha Nanterre siku mbili baada ya afisa wa polisi kumpiga risasi Nahel M., kijana mwenye umri wa miaka 17 kwenye kizuizi cha barabarani.

Waandamanaji hao wakiongozwa na mama wa kijana huyo walisikika wakisema "Haki kwa Nahel", baadhi wakiwa na mabango yalioandikwa kwamba, "Polisi wanaua", wakati wa maandamano hayo yaliyoanza kwa amani lakini yakamalizika kwa ghasia.

Afisa wa polisi aliyempiga risasi alifunguliwa mashitaka ya mauaji na kisha kushikiliwa kwenye kizuizi cha muda.

Wakili wake Laurent Franck Lienard hata hivyo ameambia radio ya Ufaransa ya RTL kwamba afisa huyo hakuwa amevunja sheria.

Upatikanaji viungo

Tufuate

Maandamano yafanyika Ufaransa kufuatia mauaji yaliyofanywa na polisi

Forum