Mwanadada maarufu Kim Kardashian amefungiwa kwa miaka mitatu kuitangaza na atalipa faini ya dola milioni 1 ili kulipia mashtaka ya serikali dhidi yake ambapo alipendekeza biashara hiyo ya sarafu ya crypto kwa wafuasi wake milioni 330 wa Instagram bila kuweka wazi kuwa alilipwa kufanya hivyo.
Nyota huyo Reality TV pia lazima atoe dola 250,000 alizolipwa kwa ajili ya tangazo la Instagram kuhusu sarafu za Ethereum Max, pamoja na riba. Hayo ni kulingana na makubaliano ya Tume ya Usalama na Ubadilishanaji Mali iliyotangazwa Jumatatu.
Kardashian ndiye mtu mashuhuri wa hivi karibuni aliyenaswa katika kanuni zinazohitaji kuweka wazi kila kitu kwa watu wanaolipwa ili kutangaza bidhaa za kifedha.
Mnamo 2018, SEC ilimaliza mashtaka dhidi ya bondia wa kulipwa Floyd Mayweather Jr. na mtayarishaji wa muziki DJ Khaled kwa kukosa kufichua malipo waliyopokea kwa kukuza uwekezaji katika sarafu ya kidijitali.