Ofisi ya Herzog imesema Israel inazo picha zinazoonyesha zinavyofanana drones hizo zilizodunguliwa nchini Ukraine na zile za Iran zilizofanyiwa majaribio mwaka 2021.
Ukraine na washirika wake wa Magharibi walisema kwamba matumizi ya hivi karibuni ya drones kuishambulia miji ya Ukraine, ukiwemo mji mkuu Kyiv, yanahusisha drones 136 zilizotengenezwa nchini Iran.
Iran ilikanusha kutoa ndege hizo kwa Russia, na Russia ilikanusha pia kutumia ndege hizo katika mashambulizi yake nchini Ukraine.
Jumanne, Biden alitoa onyo kali kwa Russia dhidi ya matumizi ya bomu chafu au silaha zozote za nyuklia katika vita vyake nchini Ukraine.