Upatikanaji viungo

Breaking News
Jumanne, Novemba 30, 2021 Local time: 03:35

Idadi ya vifo duniani kutokana na Covid-19 yavuka milioni tano


Wahudumu wa afya wakimuombea mwenzao ambaye alifariki kutokana na maambukizi ya Covid-19 (Picha: AFP/Chaideer Mahyuddin)

Kituo cha ufuatiliaji masuala ya maambukizi ya virusi vya corona katika chuo kikuu cha John Hopkins cha Marekani kimesema idadi ya vifo duniani kutokana na covid 19 imevuka milioni tano.

Kituo hicho kimetoa taarifa hiyo mapema Jumatatu na kusema kwamba idadi ya vifo duniani kutokana na ugonjwa huo imefikia milioni tano laki nne na ishirini na tano, miezi minne tu baada ya kufikia milioni nne.

Kwa Pamoja Marekani, Jumuiya ya ulaya, Uingereza na Brazil, nchi zote zenye kipato cha kati au cha juu zinajumuisha karibu nusu idadi ya watu wote duniani waliokufa.

Marekani peke yake imerekodi vifo 746,000, ambayo ndiyo idadi kubwa zaidi kuliko ya mataifa mengine.

Idadi ya vifo iliyorekodiwa na chuo kikuu cha John Hopking ni karibu sawa na idadi ya Los Angeles na San fransisco zikiunganishwa pamoja.

Hata hivyo taarifa zinasema bara la Africa linaendelea kubaki kuwa chini katika utoaji wa chanjo.

Kuna asilimia 5 tu ya watu bilioni 1.3 waliopata chanjo kamili katika bara hilo.

Facebook Forum

XS
SM
MD
LG