Upatikanaji viungo

Breaking News
Jumanne, Novemba 29, 2022 Local time: 23:24

Chukua chanjo kabla ya sikukuu, wakazi wa Afrika kusini washauriwa


Mkazi wa Afrika kusini akipata chanjo mjini Johannesburg .

Maafisa wa afya wa Afrika kusini Alhamisi wamewasihi  watu kupokea chanjo za covid kabla ya kusafiri kwa ajili ya sikukuu wakati maambukizi mapya nchini humo yakisemekana kuongezeka.

Maambukizi ya kila siku yanasemekana kupanda hadi zaidi ya 26,900 hapo Jumatano na 24,700 Alhamisi ikiwa kiwango cha juu zaidi tangu kutokea kwa aina mpya ya virusi vya omicron.

Viwango sawa na hivyo vinasemekana kushuhudiwa Juni na Julai wakati wa maambukizi ya virusi vya delta. Kwa mujibu wa shirika la habari la AP, wataalam wameongeza kusema kwamba licha ya ongezeko la maambukizi, idadi ya vifo bado haijapanda na kwamba hilo huenda likashuhudiwa baada ya muda wa wiki kadhaa.

Asilimia 90 ya maambukizi mapya yanasemekana ni kutokana na aina mpya ya virusi vya omicron kulingana na vipimo vya kila siku. Sasa hivi maambukizi yanasemekana kuenea kwenye majimbo yote 9 ya Afrika kusini baada ya kushuhudiwa mwanzoni kwenye jimbo la Gauteng ambako iko miji ya Johannesburg na Pretoria.

Facebook Forum

XS
SM
MD
LG