Upatikanaji viungo

Breaking News

Bunge la Marekani lawaita mkurugenzi na mhandisi wa Boeing kutoa ushahidi


Mojawapo ya ndege aina ya Boeing 737 Max 8

Mwenyekiti wa kamati ya usafiri na miundo mbinu bungeni Marekani Peter DeFazio amewaita Mkurugenzi wa Shirika la Boeing Dennis Muilenburg na mkuu wa uhandisi John Hamilton wa kitengo cha biashara cha Boeing kufika bungeni kutoa ushahidi wake hapo Oktoba 30, 2019.

Kamati ya usafiri na miundo mbinu katika bunge la Marekani siku ya Jumanne ilimtaka rasmi mkurugenzi huyo kutoa ushahidi juu ya ndege aina ya 737 MAX ambayo hivi sasa imezuiliwa kusafiri kutokana na ajali mbili zilizosababisha vifo vya watu 346 tangu Oktoba mwaka jana.

Mwenyekiti wa kamati hiyo mbunge Peter DeFazio pia alimtaka John Hamilton mkuu wa uhandisi katika kitengo cha biashara cha Boeing kufika bungeni kutoa ushahidi wake. Wawili hao wanatakiwa kufika bungeni Oktoba 30 mwaka huu.

Mkurugenzi wa Boeing, Dennis Muilenburg
Mkurugenzi wa Boeing, Dennis Muilenburg

Wiki iliyopita DeFazio alimuomba Muilenburg kuwatayarisha wafanyakazi kadhaa wa kampuni hiyo kwa ajili ya kufanyiwa mahojiano kama sehemu ya uchunguzi wa bunge la Marekani kuhusiana na namna ndege hiyo ilivyotengenezwa, maendeleo pamoja na utendaji kazi wa ndege hiyo aina ya 737 MAX.

Facebook Forum

XS
SM
MD
LG