Upatikanaji viungo

Breaking News
Alhamisi, Mei 30, 2024 Local time: 22:52

Biden kumpokea Rais wa Brazil Lula


Rais wa Brazil Luiz Inacio Lula da Silva
Rais wa Brazil Luiz Inacio Lula da Silva

Rais wa Marekani Joe Biden anampokea leo Ijumaa kwenye White House rais mpya wa Brazil wa mrengo wa kushoto Luiz Inacio Lula da Silva, akinuia kuimarisha uhusiano na taifa hilo la Amerika Kusini, ambao uliingia dosari chini ya mtangulizi wake.

Rais da Silva, alichukua hatamu za uongozi mapema mwezi Januari baada ya kumshinda kwa idadi ndogo ya kura rais wa zamani wa mrengo mkali wa kulia, Jair Bolsonaro, katika uchaguzi wa marudio wa mwezi Oktoba.

Wiki moja baada ya kuapishwa, maelfu ya wafuasi wa Bolsonaro walivamia mji mkuu na kuharibu majengo muhimu ya serikali, wakiomba uchaguzi wa Lula ubatilishwe.

Biden alilaani kitendo hicho na aliahidi msaada wa Marekani.

Wachambuzi wanasema ziara hiyo ni muhimu kwa Lula kupata uungaji mkono wa Marekani kusaidia kuuonyesha ulimwengu kwamba taifa lake lina uthabiti wa kisiasa.

Katika taarifa, White House imesema Biden na Lula watajadili jinsi nchi hizo mbili zinaweza kuendelea kushirikiana ili kudumisha ushirikishwaji na maadili ya kidemokrasia katika kanda hiyo na ulimwenguni kote, hasa kabla ya mkutano kuhusu Demokrasia wa Machi 2023.

XS
SM
MD
LG