Upatikanaji viungo

Breaking News
Jumapili, Septemba 25, 2022 Local time: 20:45

Baraza la usalama la UN kukutana juu ya mashambulizi ya hivi karibuni ya Russia nchini Ukraine


Baraza la usalama la UN likikutana kujadili mzozo wa kibinadamu nchini Ukraine, March 23, 2022. Picha ya AP

Baraza la usalama la Umoja wa mataifa linasema Ukraine imeomba mkutano wa dharura wa baraza hilo juu ya mashambulizi ya Russia ya hivi karibuni ambayo yalilenga raia . Baraza hilo linapanga kufanya mkutano huo leo Jumanne.

Lengo kuu la mkutano huo wa Baraza la usalama la Umoja wa mataifa ni kuhusu shambulio la kombora kwenye jengo kubwa la maduka ya biashara katikati mwa jiji la Kremnchuk, amesema msemaji wa ujumbe wa Albania, ambao unaongoza uenyekiti wa Baraza hilo kwa sasa.

Mashambulizi ya makombora mjini kote Kyiv siku ya Jumapili, dhidi ya jengo la makazi ya watu, yatajadiliwa pia kwenye mkutano huo, msemaji huyo amesema.

Watu 13 wamethibitishwa kuuawa katika shambulio la Kremenchuk, ambalo limelaaniwa na Umoja wa mataifa na viongozi wa dunia.

Maafisa wa Ukraine wameishtumu Moscow kulenga raia baada ya ripoti ya mashambulizi mengine mawili mashariki mwa nchi jana Jumatatu ambayo yaliua watu 12.

Russia ambayo ilianza uvamizi dhidi ya Ukraine mwezi Februari mwaka huu, imekanusha tuhuma kwamba mashambulizi hayo ya Jumapili kwenye mji mkuu wa Ukraine yalilenga makazi ya watu, ikisema ilikuwa inalenga kiwanda cha silaha.

Facebook Forum

XS
SM
MD
LG