Upatikanaji viungo

Breaking News
Jumapili, Desemba 04, 2022 Local time: 01:59

Bachelet aonya kutokea kwa janga la kibinadamu Burkina Faso


Mkuu wa haki za binadamu kwenye Umoja wa Mataifa Rights Michelle

Mkuu wa haki za binadamu kwenye Umoja wa Mataifa Michelle Bachelet, Jumatano wakati akifanya ziara yake ya kwanza nchini Burkina Faso amesema kwamba iwapo ukosefu wa usalama utaendelea kama ulivyo sasa ,  basi huenda ukapelekea janga kubwa la kibinadamu pamoja na ukiukwaji wa haki za binadamu.  

Kwa mujibu wa shirika la habari la AP, Burkina Faso katika miaka ya karibuni imeshuhudia ukiukwaji wa haki za binadamu kutoka kwenye vikosi vyake vya usalama wakati ikiendelea kukabiliana na makundi ya wanamgambo kama vile al Qaida na Islamic State.

Ziara yake hiyo ya siku nne imempeleka kwenye eneo lililoathiriwa zaidi la Sahel, wakati akizungumza na baadhi ya viongozi akiwemo rais Roch Marc Christian Kabore, viongozi wa kidini, asasi za kiraia pamoja na baadhi waathirika.

Ziara ya Bachelet imefanyika wakati kukiwa na ongezeko la visa vya ukiukwaji wa haki za binadamu kutoka kwa maafisa wa usalama pamoja na wanamgambo katika wiki za karibuni. Wiki iliopita, takriban watu 15 wanasemekana kuuwawa na jeshi la serikali kwenye eneo la kusini magharibi mwa taifa, kulingana na asasi za kiraia.

Facebook Forum

XS
SM
MD
LG