Upatikanaji viungo

Breaking News
Jumapili, Agosti 01, 2021 Local time: 11:52

Afrika yashuhudia wimbi la tatu la COVID-19


Mwanamke apokea chanjo ya covid Afrika kusini

Shirika la afya duniani WHO, lImesema Alhamisi kwamba Afrika sasa inashudia wimbi la tatu la maambukizi ya Covi-19 na kwamba idadi ya maambukizi imeendelea kupanda kwa wiki tatu mfululizo,wakati kesi 474,000 zikiripotiwa kuanzia Juni 20.

Shirika hilo limeongeza kusema kuwa maambukizi ya sasa yanaenea kwa haraka kuliko wimbi la pili lililoanza mwanzoni mwa mwaka. WHO linasema kuwa hali hiyo huenda imesababishwa na kutozingatia kanuni zilizo wekwa, ongezeko la mikusanyiko pamoja na aina mpya ya virusi vya corona.

Aina mpya ya virusi kwa jina delta,vilivyo gunduliwa kwa mara ya kwanza nchini India, sasa vimeripotiwa kwenye mataifa 14. Ukosefu wa chanjo pia unasemekana kuchangia hali hiyo, WHO likisema kuwa mataifa 18 tayari yamemaliza karibu asilimia 80 ya chanjo zake huku mataifa manane yakiishiwa kabisa.

Kufikia sasa ni asilimia 1 tu ya watu barani Afrika waliopokea chanjo dhidi ya corona kwa mujibu wa WHO. Mkuu wa kituo cha Afrika cha kudhibiti na kuzuia magonjwa John Nkengasong, amesema kuwa wimbi la sasa limekuja kwa kishindo kulivyo ilivyo tarajiwa.

Facebook Forum

XS
SM
MD
LG