Jumatano, Novemba 26, 2014 Local time: 00:47

Habari / Marekani

Marekani kufanya mageuzi katika sheria za uhamiaji

Mwanamke akiwa na bango la kutetea wahamiaji nje ya ubalozi wa Marekani, Mexico City.
Mwanamke akiwa na bango la kutetea wahamiaji nje ya ubalozi wa Marekani, Mexico City.
Kundi la maseneta wanane kutoka chama cha Democrat na Republican nchini Marekani Jumatatu lilieleza  kufikia makubaliano katika pendekezo la mfumo wa kubadili sheria za uhamiaji. Rais Barack Obama anategemewa kufafanua maono yake juu ya pendekezo hilo katika hotuba Jumanne akiwa Nevada.

Wabunge hao walisema makubaliano yao yalijikita katika maswala magumu lakini ya kimsingi ambayo rais Obama ameunga mkono  kwa muda mrefu kuelekea kuwapa uraia wahamiaji milioni 11 ambao wanaishi Marekani kinyume cha sheria.

Mpango huo unatoa maelezo mahsusi ambayo sharti yatimizwe na wahamiaji wasio halali kabla ya kupewa uraia wa Marekani. Wahamiaji wanaotafuta ukazi wa kudumu maarufu kama Green Card ili waweze kufanya kazi wanatakiwa kutimiza masharti kadha kama vile kulipa kodi na faini zozote ambazo wametozwa  na ni lazima  waweze kuzungumza lugha ya Kiingereza kwa ufasaha.

Miongoni mwa maswala ambayo rais Obama ametetea ni kuhalalisha watoto wa wahamiaji wasio halali ambao wamesoma Marekani. Wengine wao walizaliwa Marekani  au walikuja  na wazazi wao wakiwa wadogo na hawatambui nchi za wazazi wao. Watoto kama hao mara nyingi hukabiliwa na adhabu ya kurejeshwa katika nchi walikotoka wazazi wao wasio halali.

Katika hotuba yake alipokula kiapo kuongoza Marekani muhula wa pili, rais Obama alisema; “safari yetu haitakamilika hadi pale tutakapobaini njia nzuri ya kuwakaribisha wahamiaji  wanaoiona Marekani kama nchi  ya fursa na matumaini.. hadi pale wanafunzi werevu na wahandisi watakapopata nafasi inayostahiki, kuliko kuwafukuza Marekani”.

Lakini kungali na upinzani mkubwa wa pendekezo hili. Rosemary Jenkins wa kundi la Numbers USA anasema  kuhalalisha wahamiaji wasio halali kutapeleka ujumbe kwa dunia kwamba  “unaweza kuja Marekani kinyume cha sheria,ukavunja sheria  kwa muda mrefu na baadaye ukatunukiwa zawadi ya kuishi Marekani kisheria.
mjadala huu umefungwa
Maoni
     
There are no comments in this forum. Be first and add one
  • Jioni
    30 min

    Jioni

    Matangazo ya saa nzima kuhusu habari za kutwa, ikiwa ni pamoja ripoti kutoka kwa...

  • VOA Express
    30 min

    VOA Express

    VOA Express ni matangazo mapya yenye mwendo wa kasi yakiangalia habari mpya za...

  • Alfajiri
    30 min

    Alfajiri

    Matangazo ya nusu saa kuhusu habari za mapema asubuhi pamoja na habari za...

  • Jioni
    30 min

    Jioni

    Matangazo ya saa nzima kuhusu habari za kutwa, ikiwa ni pamoja ripoti kutoka kwa...

Mitaani

Your JavaScript is turned off or you have an old version of Adobe's Flash Player. Get the latest Flash player.
Usafiri wa Bodaboda Dar es Salaam - Voamitaanii
|| 0:00:00
...  
🔇
X
21.11.2014 08:18
Wasfiri wa Bodaboda waeleza maadhui yao na usafiri huo katika jiji la Dar Es Salaam.