Upatikanaji viungo

Breaking News
Jumatatu, Agosti 15, 2022 Local time: 21:17

Wataalam wa uchumi waonya Afrika kusini kukabiliwa na athari za mgogoro wa Russia na Ukraine


Rais wa Afrika Kusini Cyril Ramaphosa akiwa katika mkutano wa Umoja wa Afrika Brussels Ubelgiji Februari 18, 2022.(Reuters/Johanna).

Wataalam wa uchumi wameonya kwamba Afrika kusini itakabiliwa na athari za mgogoro wa Russia na Ukraine ikiwemo kuongezeka kwa bei ya chakula, japo pia nchi hiyo huenda ikanufaika na mzozo huo kutokana na mauzo ya mahindi.

Bei ya bidhaa, ikiwemo ngano na mahindi, imeongezeka tangu Russia ilipoivamia Ukraine, Februari 24.

Russia na Ukraine ni wazalishaji wakubwa wa ngano na mahindi kote duniani.

Huku bandari za Ukraine zikiwa zimefungwa na Russia ikiwa imekewa vikwazo na mataifa ya Magharibi, kuna wasiwasi kwamba kunaweza kutokea uhaba mkubwa wa nafaka hizo ambazo zinaagizwa na mataifa ya kigeni.

Afrika kusini, ambayo pia ni mzalishaji mkubwa wa mahindi, huagiza asilimia 40 ya ngano lakini mchumi mkuu katika taasisi ya kilimo na biashara Afrika kusini Wandike Sihlobo, amesema kwamba huenda uhaba mkubwa wa bidhaa hizo usitokee.

Facebook Forum

XS
SM
MD
LG