Rais aliyepinduliwa Mali Boubakar Ibrahim Keita afariki dunia

16 Januari, 2022

Rais wa Mali Ibrahim Boubacar Keita wakati wa mkutano wa kilele wa G5 Sahel mjini Nouakchott

Rais wa Mali aliyetolewa mamlakani Ibrahim Boubacar Keita amefariki dunia, waziri wake wa zamani wa sheria na mshauri wake wa zamani aliiambia Reuters siku ya Jumapili. Alikuwa na umri wa miaka 76.

Lakini sababu ya kifo bado haijafahamika wazi.

Keita, anayejulikana pia kama IBK, aliongoza nchi hiyo ya Afrika Magharibi kuanzia Septemba 2013 hadi Agosti 2020, kipindi cha misukosuko ambacho kilishuhudia uasi mkali wa Kiislamu ukichukua maeneo makubwa ya kaskazini na kati na kupelekea kupoteza umaarufu wake.

Alilazimishwa kutoka madarakani na mapinduzi ya kijeshi baada ya miezi kadhaa ya maandamano dhidi ya serikali.

Mshauri wa zamani alisema alifariki akiwa nyumbani kwake katika mji mkuu Bamako.