Kwa mijibu wa shirika la habari la AFP, rufaa iliyokatwa na msichana huyo dhidi ya uamuzi wa Machi 20, wa mahakama ya rufaa iliyotoa hukumu ya kifungo cha miaka 2 jela kwa mshukiwa mmoja, na miezi 18 jela kwa wenzake wawili, huenda ikaakhirishwa kutokana na ombi la wakili wa msichana huyo.
Msichana huyo ambaye sasa ana umri wa miaka 12 kutoka kijiji kilichoko karibu na mji wa Rabat inasemekana alibakwa ndani ya kipindi cha miezi kadhaa, kulingana na taarifa ya mwezi uliopita, kutoka shirika la wanawake wa Morocco la Jossour.
Sheria za Morocco zinaruhusu kifungo cha hadi miaka 20 kwa hatia kama inayowakabili wanaume hao, ambao pia watalipa jumla ya dirham 50,000 ambazo ni sawa na dola 4,880 za kimarekani kama fidia. Mmoja wa washukiwa anasemekana kumbebesha mimba msichana huyo, kulingana na mtandao wa habari wa Media24.