Alhamisi, Oktoba 02, 2014 Local time: 16:29

Habari / Afrika

Hagel akosa kuidhinishwa kama waziri wa ulinzi

Rais Obama akosoa maseneta wa chama cha Republican kwa siasa za mgawanyiko wakati Marekani ingali vitani Afghanistan.

Seneta wa zamani Chuck Hagel
Seneta wa zamani Chuck Hagel
       
 Maseneta  wa chama cha Republican wamezuia kura ya kumthibitisha mteuliwa wa rais Obama, Chuck Hagel kuwa waziri mpya wa ulinzi.

Baraza la Senate lilikosa  kura mbili tu Alhamisi  kuweza kumwidhinisha Hagel, kufuatia ombi la  Wademokrat kumaliza malumbano ya mdahalo wa muda mrefu na maseneta wa  chama cha Republican  juu ya uteuzi huo na kufikia  maamuzi ya mwisho.

Baraza la senate sasa linakwenda kwenye mapumziko ya siku 10  na itambidi bwana Bw. Hagel kusubiri muda huo wote  ili kuweza kujua ikiwa  atakuwa mkuu ajaye wa Pentagon.

Rais Obama alisema hatua ya maseneta wa chama cha Republican haikutarajiwa. Amesema pia inasikitisha kuona  maseneta wakitumia siasa za aina hiyo wakati Marekani ingali  vitani huko Afghanistan.

Wabunge wa chama cha Republican wanazuilia kuidhinishwa kwa Bw. Hagel, wakiitaka White House kutoa maelezo zaidi juu ya shambulizi la kigaidi la Septemba 11 mwaka jana katika ofisi za ubalozi wa Marekani mjini Benghazi, Libya.

Shambulizi hilo lilimwua balozi wa Marekani Christopher Stevens na Wamarekani wengine watatu. Lakini  Ikulu ya Marekani inasema imeshatoa maelezo ya kina kwa bunge juu ya shambulizi hilo.

Rais Obama alimchagua Hagel ambaye zamani alikuwa seneta wa chama cha Republican kuchukua nafasi ya waziri wa ulinzi anayeondoka Leon Panetta.
mjadala huu umefungwa
Maoni
     
There are no comments in this forum. Be first and add one

Mitaani

Your JavaScript is turned off or you have an old version of Adobe's Flash Player. Get the latest Flash player.
Maudhui ya wavuvi wa Bagamoyo-VOA Mitaanii
|| 0:00:00
...
 
🔇
X
20.09.2014 15:14
Wafanyabiashara wa samaki katika wilaya ya Bagamoyo, Tanzania waelezea changamoto zinazowakabili katika biashara kuu ya uvuvi, miongoni mwao ukosefu wa soko na mahala ya kuhifadhi samaki wanaovua.