Alhamisi, Oktoba 23, 2014 Local time: 08:35

Habari / Dunia

Obama amwonya rais Assad

Obama akitoa hotuba.
Obama akitoa hotuba.
Rais Barack Obama  amemwonya rais wa Syria  Bashar al-Assad kwamba atawajibishwa endapo majeshi yake yatatumia silaha za kemikali dhidi ya upinzani nchini Syria.
Bw. Obama alitamka hayo katika kikao hapa Washington  kusisitiza msimamo wa Marekani dhidi ya ulimbikizaji wa silaha za nuklia na kemikali wakati wa maadhimisho ya miaka 20 ya  mkataba wa ushirikiano wa kupunguza vitisho vya silaha za kemikali kati ya Marekani na Russia.

Lakini  kilichogonga vichwa vya habari  ni onyo lake kwa rais wa Syria, siku moja baada ya Washington kuionya  Damascus  dhidi ya matumizi ya silaha za kemikali. Bw. Obama alisema Marekani itaendelea kuunga mkono azma halali ya raia wa Syria, na kutoa misaada ya kibinadamu kwa upinzani na katika makabidhiano huru ya madaraka pasipo utawala wa Assad. 

Alimwonya  rais Assad kuwa dunia inatizama kinachoendelea nchini Syria na kwamba matumizi ya silaha za kemikali kamwe hayatakubalika. Na ikiwa atafanya kosa  la kutumia silaha hizo kutatokea madhara na Assad atawajibika.

Bwana  Obama alisisitiza kuwa dunia haiwezi kuruhusu  karne ya 21 kutumbukizwa katika kiza cha karne ya 20 ya matumizi ya silaha  kama hizo. Alisema jukumu la kuzuia  ugaidi wa kutumia silaha za nuklia ni mojawapo ya maswala yaliyopewa  kipaumbele kwa usalama wa kitaifa , na kwamba dunia inasogea mbele kuhakikisha  hakuna silaha za nuklia katika siku za usoni.
  • Alfajiri
    30 min

    Alfajiri

    Matangazo ya nusu saa kuhusu habari za mapema asubuhi pamoja na habari za...

  • Jioni
    30 min

    Jioni

    Matangazo ya saa nzima kuhusu habari za kutwa, ikiwa ni pamoja ripoti kutoka kwa...

  • Alfajiri
    30 min

    Alfajiri

    Matangazo ya nusu saa kuhusu habari za mapema asubuhi pamoja na habari za...

Mitaani

Your JavaScript is turned off or you have an old version of Adobe's Flash Player. Get the latest Flash player.
Wakenya na Uhuru Kenyatta katika ICCi
|| 0:00:00
...
 
🔇
X
10.10.2014 13:45
Wananchi wa Kenya watoa maoni mbali mbali kuhusu hatua ya Rais Uhuru Kenyatta kutokea katika mahakama ya kimataifa ya uhalifu - ICC.