Upatikanaji viungo

Marekani yapeleka kikosi maalum kusaidia kumsaka Kony


Marekani inapeleka kikosi maalumu cha kumsaka Joseph Kony anayeaminika kujificha msituni

Marekani inapeleka kikosi maalumu cha kumsaka Joseph Kony anayeaminika kujificha msituni

Marekani inapeleka wanajeshi zaidi ya mara mbili ya kikosi cha operesheni maalum kusaidia kumtafuta mbabe wa vita Joseph Kony.

Rais Barack Obama aliamuru kiasi cha wanajeshi 150 na angalau ndege nne za CV-22 kuelekea Uganda siku ya Jumapili ambapo ni mara ya kwanza kwa Marekani kupeleka ndege za kijeshi kumtafuta Kony na wapiganaji wake.

Msako unalenga kwenye misitu inayopakana na Jamhuri ya Afrika ya kati, Sudan Kusini na Jamhuri ya Kidemokrasi ya Congo-DRC.

Bwana Obama awali alipeleka kiasi cha wanajeshi 100 wa kikosi maalumu cha Marekani kuelekea kwenye eneo hilo mwaka 2011 ambako wamekuwa wakiwasaidia wanajeshi 5,000 wa kikosi cha operesheni za kieneo wa Umoja wa Afrika.

Rais Barack Obama, March 20, 2014.

Rais Barack Obama, March 20, 2014.

Pentagon inasema wanajeshi wa Marekani wana jukumu la kutoa taarifa na msaada na wanatumia silaha kwa kujilinda.

Kony anatafutwa na mahakama ya kimataifa ya uhalifu-ICC kwa makosa 33 ya uhalifu wa vita na uhalifu dhidi ya binadamu.

Aliendesha vita vikali vya msituni dhidi ya serikali la Uganda kwa takribani miongo miwili kabla ya kukimbia na wapiganaji wake kuelekea kwenye misitu ya Afrika ya kati katika mwaka 2005. Kony anaaminika kuwa na wapiganaji wachache waliobaki nae.

Onyesha maoni

XS
SM
MD
LG