Upatikanaji viungo

Facebook yaanzisha huduma ya video za moja kwa moja


Mtandao wa kijamii wa Facebook umeongeza huduma nyingine  ambayo imepokelewa kwa furaha na baadhi ya wateja.

Mtandao wa kijamii wa Facebook umeongeza huduma nyingine  ambayo imepokelewa kwa furaha na baadhi ya wateja.

Na BMJ Muriithi

Mtandao wa kijamii wa Facebook umeongeza huduma nyingine ambayo imepokelewa kwa furaha na baadhi ya wateja. Facebook sasa inawawezesha baadhi ya wateja wake kuwasiliana kupitia video za moja kwa moja, huduma ambayo haikuwepo hapo awali isipokuwa tu kwa wakazi wa Marekani waliotumia simu aina ya Iphone.

Lakini sasa iwapo akaunti yako imedhibitishwa na Facebook, unaweza kuwasiliana moja kwa moja na ndugu na marafiki kupitia mtandao huo.

Wakati wa uzinduzi wa huduma hiyo, wakurugenzi wa kampuni hiyo walisema wana mpango wa kuisambaza katika maeneo yote ya ulimwengu kwa wote wanaoutumia mtandao huo hive karibuni.

Mmoja wa walioipokea habari hizo kwa furaha ni Deral Eves ambaye ni mtaalam wa maswala ya kiteknolojia nchini Marekani.

Bw Eves amesema: "Programu hii mpya inakuwezesha kuona matangazo ya video ya moja kwa moja kutoka pembe zote za ulimwengu. Hii ni kumanisha kwa mfano unaweza kutazama maonyesho ya muziki kutoka Russia au hata mtu akitayarisha kahawa nchini Parauay."

Na ingawaje hili si jambo geni kwa baadhi ya watu wanaotumia mtandao, itakuwa ni mara ywa kwanza kwa mamilioni ya watu kuweza kuwasiliana kwa njia hiyo hususan kwa sababu ya wingi wa watu waliojisajili na mtandao wa kijamii wa facebook.

Makampuni kama vile Meerkat and Periscope yalianzisha huduma ya video ya moja kwa moja mwaka jana. Yalifuatwa kwa karibu na mtandao wa kijamii wa Twitter.

Mwezi Agosti mwaka jana, kampuni hiyo ilizindua mpango wa kuwasiliana kwa kutumia video, lakini huduma hiyo iliwafaidi tu wale waliokuwa wanatumia simu aina ya Iphone na ni wale tu waliokuwa hapa Marekani ambao wangeweza kufanya hivyo.

Huduma hii mpya imekaribishwa na wengi, huku baadhi wakielezea matumaini yao kwamba sasa wataweza kuwasiliamna na ndugu na marafiki wengi Zaidi ya vile ilivyokuwa hapo awali.

XS
SM
MD
LG