Kiongozi wa upinzani nchini Jamhuri ya Demokrasia ya Kongo, Etienne Tshisekedi, ameaga dunia huko Brussels, vyanzo vya kidiplomasia vimeripoti Jumatano
Mwandishi wa Idhaa ya Kiswahili VOA amesema kuwa mwanasiasa huyu alikuwa anasumbuliwa na maradhi ya kisukari na amekufa akiwa na miaka 84.
Tshisekedi alisimama kidete kuupinga utawala wa Mobutu Sese Seko ambaye aliitawala DRC, wakati huo ikijulikana kama Zaire, alikuwa mpinzani wake kwa miaka mingi kabla ya Mobutu kupinduliwa.